Transmeton Kab bin Uxherah: Ne i thamë (ose njerëzit thanë): O i Dërguari i Allahut, na ke urdhëruar të dërgojmë salavate mbi ty dhe të të japim selam. Sa i përket selamit, ne tashmë e kemi mësuar atë. Po si të dërgojmë salavate mbi ty? Ai (s.a.v.s.) tha: "Thuani: O Allah, dërgo mëshirë mbi Muhamedin dhe familjen e Muhamedit, ashtu siç dërgove mëshirë mbi Ibrahimin. O Allah, bekoje Muhamedin dhe familjen e Muhamedit, ashtu siç bekove familjen e Ibrahimit. Ti, me të vërtetë, je i Lavdëruar dhe i Madhëruar."