Transmeton Omer b. el-Hattabi: Ai pa një rrobë mëndafshi që shitej në portën e xhamisë dhe tha: "O i Dërguari i Allahut, sikur ta blije këtë rrobë dhe ta vishje ditën e xhuma dhe kur të vijnë delegacionet." I Dërguari i Allahut (s.a.v.s.) tha: "Këtë e vesh vetëm ai që nuk ka pjesë në ahiret." Më vonë, të Dërguarit të Allahut (s.a.v.s.) i erdhën disa rroba të tilla dhe ai i dha njërën prej tyre Omer b. el-Hattabit. Omeri tha: "O i Dërguari i Allahut, po ma jep këtë mua ndërkohë që keni thënë atë që keni thënë për rrobën e Utaridit?" I Dërguari i Allahut (s.a.v.s.) tha: "Unë nuk ta dhashë atë që ta veshësh." Atëherë Omeri ia dha atë vëllait të tij në Mekë, i cili ishte mushrik.