Transmeton Ibn Mes'udi: Kur i Dërguari i Allahut (s.a.v.s.) mbante fjalim, thoshte: "Falënderimi i takon Allahut, prej Tij kërkojmë ndihmë dhe falje, dhe kërkojmë mbrojtje tek Allahu prej të këqijave të veteve tona. Atë që e udhëzon Allahu, nuk ka kush e humb, dhe atë që Ai e lë në humbje, nuk ka kush e udhëzon. Dëshmoj se nuk ka zot tjetër përveç Allahut dhe dëshmoj se Muhamedi është robi dhe i dërguari i Tij. Ai e dërgoi atë me të Vërtetën, si përgëzues dhe paralajmërues para Ditës së Kiametit. Kush i bindet Allahut dhe të Dërguarit të Tij, ai ka gjetur rrugën e drejtë, ndërsa ai që i kundërshton ata, nuk dëmton askënd tjetër përveç vetes së tij dhe nuk do t'i bëjë asnjë dëm Allahut."