Transmeton Burejdeja: I Dërguari i Allahut (s.a.v.s.) po na mbante një ligjëratë, kur ndërkohë erdhën el-Hasani dhe el-Husejni të veshur me këmisha të kuqe, duke ecur e duke u penguar. Ai zbriti nga minberi, i mori ata dhe u ngjit përsëri me ta, e pastaj tha: "Vërtet ka thënë Allahu: 'Pasuria juaj dhe fëmijët tuaj janë vetëm një sprovë'. I pashë këta të dy dhe nuk munda të duroja." Pastaj ai vazhdoi me ligjëratën.