Transmeton Ibn Abasi:

I Dërguari i Allahut (s.a.v.s.) i tha El-Abas ibn Abdulmutalibit: "O Abas, o xhaxhai im, a të të jap, a të të dhuroj, a të të bëj një mirësi, a të të mësoj dhjetë gjëra? Nëse i vepron ato, Allahu do të t'i falë mëkatet e tua: të parat dhe të fundit, të vjetrat dhe të rejat, ato që i ke bërë pa dashje dhe ato me dashje, të voglat dhe të mëdhatë, të fshehtat dhe të hapurat. Dhjetë gjërat janë: fal katër rekate namaz, duke lexuar në çdo rekat Fatihanë dhe një sure. Kur të përfundosh leximin në rekatin e parë, ndërsa je ende në këmbë, thuaj pesëmbëdhjetë herë: 'Subhanallah, elhamdu lillah, la ilahe il-lallah, Allahu ekber'. Pastaj shko në ruku dhe thuaji ato dhjetë herë ndërsa je në ruku. Pastaj ngre kokën nga rukuja dhe thuaji ato dhjetë herë. Pastaj bëj sexhde dhe thuaji ato dhjetë herë ndërsa je në sexhde. Pastaj ngre kokën nga sexhdja dhe thuaji ato dhjetë herë. Pastaj bëj përsëri sexhde dhe thuaji ato dhjetë herë. Pastaj ngre kokën nga sexhdja dhe thuaji ato dhjetë herë përpara se të ngrihesh. Kjo bën gjithsej shtatëdhjetë e pesë herë në çdo rekat. Kështu vepro në të katër rekatet. Nëse mundesh ta falësh këtë namaz një herë në ditë, bëje; nëse nuk mundesh, atëherë një herë në javë; nëse nuk mundesh, atëherë një herë në muaj; nëse nuk mundesh, atëherë një herë në vit; e nëse nuk mundesh, atëherë fale të paktën një herë në jetën tënde."