Transmeton Ebu Katade:

Pejgamberi (s.a.v.s.) doli një natë dhe e gjeti Ebu Bekrin duke falur namaz me zë të ulët, ndërsa kaloi pranë Omer ibn el-Hatabit i cili po falte namaz me zë të lartë. Kur u takuan të dy te Pejgamberi (s.a.v.s.), ai tha: "O Ebu Bekër, kalova pranë teje kur po faleshe me zë të ulët." Ai u përgjigj: "O i Dërguari i Allahut, bëra që të më dëgjojë Ai me të Cilin po bisedoja fshehtas." Pastaj i tha Omerit: "Kalova pranë teje kur po faleshe me zë të lartë." Ai u përgjigj: "O i Dërguari i Allahut, po i zgjoja të përgjumurit dhe po dëboja shejtanin." Pejgamberi (s.a.v.s.) i tha: "O Ebu Bekër, ngrije zërin paksa," ndërsa Omerit i tha: "Ule zërin paksa."