Transmeton Zejd ibn Halid el-Xhuheniu se ai tha: "Do ta vëzhgoj namazin e të Dërguarit të Allahut (s.a.v.s.) gjatë natës." Ai tha: "U mbështeta te pragu i derës së tij ose te tenda e tij. I Dërguari i Allahut (s.a.v.s.) fali dy rekate të lehta, pastaj fali dy rekate shumë, shumë, shumë të gjata. Pastaj fali dy rekate që ishin më të shkurtra se dy të parat; pastaj fali dy rekate që zgjatën më pak se ato para tyre; përsëri fali dy rekate që ishin më të shkurtra se ato paraprake; pastaj fali dy rekate që ishin më të shkurtra se ato të mëparshmet. Më pas e fali vitrin, e kjo gjithsej bëri trembëdhjetë rekate."