Transmeton Ebu Hurejra: I Dërguari i Allahut (s.a.v.s.) i inkurajonte ata për faljen e namazit gjatë natës në Ramazan, pa ua bërë atë obligim të prerë. Ai thoshte: "Kush falet gjatë netëve të Ramazanit me besim dhe duke shpresuar shpërblimin e Allahut, do t'i falen mëkatet e tij të mëparshme." Kur i Dërguari i Allahut (s.a.v.s.) ndërroi jetë, kjo mbeti praktikë dhe vazhdoi kështu gjatë hilafetit të Ebu Bekrit dhe në fillim të hilafetit të Omerit. Ebu Davudi thotë: Kështu e kanë transmetuar edhe Ukajli, Junusi dhe Ebu Uvejsi. Versioni i Ukajlit thotë: "Kush agjëron gjatë Ramazanit dhe falet gjatë natës."