Transmeton El-Hasan bin Aliu: I Dërguari i Allahut (s.a.v.s.) më mësoi disa fjalë për t’i thënë në lutjen e kunutit të namazit të vitrit: "O Allah, më udhëzo me ata që i ke udhëzuar, më jep shëndet e siguri me ata që u ke dhënë shëndet, më merr nën mbrojtjen Tënde me ata që i ke marrë nën mbrojtje, më beko në atë që më ke dhënë, më mbro nga e keqja e asaj që ke caktuar, sepse Ti vendos e askush nuk mund të vendosë mbi Ty. Vërtet, nuk poshtërohet ai që Ti e merr nën mbrojtje dhe nuk lartësohet ai që Ti e ke armik. I Bekuar dhe i Lartësuar je, o Zoti ynë."