Transmeton Zejd bin Thabiti: I Dërguari i Allahut (s.a.v.s.) ndërtoi një dhomëz në xhami. Ai dilte natën dhe falej atje. Njerëzit po ashtu faleshin bashkë me të. Ata vinin çdo natë, derisa një natë i Dërguari i Allahut (s.a.v.s.) nuk doli tek ata. Atëherë ata filluan të kolliteshin, të ngrinin zërat e tyre dhe të hidhnin guralecë në derën e tij. I Dërguari i Allahut (s.a.v.s.) doli tek ata i zemëruar dhe tha: "O njerëz, ju vazhduat ta bënit këtë derisa mendova se do t'ju bëhej obligim. Falni namazin në shtëpitë tuaja, sepse namazi më i mirë i njeriut është në shtëpinë e tij, përveç namazit të obligueshëm."