Transmeton Ukbe bin Amir el-Xhuheni: Kur ishim në Suffe, i Dërguari i Allahut (s.a.v.s.) doli para nesh dhe pyeti: "Cili prej jush do të dëshironte të shkonte çdo mëngjes në But-han ose në El-Akik dhe të merrte dy deve të mëdha e me gunga, pa bërë asnjë gjynah dhe pa ndërprerë lidhjet farefisnore?" Ne thamë: "O i Dërguari i Allahut, të gjithë ne do ta dëshironim këtë." Atëherë ai tha: "Nëse ndonjëri prej jush shkon në mëngjes në xhami dhe mëson dy ajete nga Libri i Allahut të Madhëruar, kjo është më mirë për të sesa dy deve; tre ajete janë më mirë për të sesa tri deve, e kështu me radhë sipas numrit të tyre në deve."