12137
- Dhe nga Adij b. Adij el-Kindij, i cili transmeton nga Muxhahidi se ka thënë: Na ka treguar një meula (skllav i liruar) i yni se e ka dëgjuar gjyshin tim duke thënë: E kam dëgjuar të Dërguarin e Allahut (s.a.v.s.) duke thënë: "Vërtet Allahu - i Plotfuqishëm dhe i Madhërishëm - nuk e dënon masën e gjerë (popullin) për shkak të veprës së parisë (të veçantëve), derisa ta shohin të keqen (munkerin) në mesin e tyre, e duke qenë ata të fuqishëm për ta kundërshtuar atë, nuk e kundërshtojnë. E kur ta bëjnë këtë, Allahu e dënon parinë dhe masën e gjerë së bashku".
E ka transmetuar Ahmedi përmes dy rrugëve, njëra është kjo, ndërsa tjetra nga Adij b. Adij: më ka treguar një meula i yni, dhe kjo është e sakta. Po ashtu e ka transmetuar Taberaniu, dhe në të ka një burrë që nuk është emëruar, ndërsa pjesa tjetër e burrave të njërit prej dy zinxhirëve (isnadëve) janë të besueshëm.