Transmeton Ebu Dherri: O i Dërguari i Allahut, të pasurit i morën të gjitha shpërblimet; ata falen ashtu siç falemi ne dhe agjërojnë ashtu siç agjërojmë ne, por ata kanë tepricë pasurie me të cilën japin sadaka, ndërsa ne nuk kemi pasuri për të dhënë sadaka. I Dërguari i Allahut (s.a.v.s.) tha: "O Ebu Dherr, a të t'i mësoj disa fjalë me të cilat do t'i arrish ata që të kanë parakaluar dhe askush nuk do të mund të të arrijë, përveç atij që vepron si ti?" Ai tha: "Po, o i Dërguari i Allahut." Ai (s.a.v.s.) tha: "Madhëroje Allahun (thuaj Allahu Ekber) pas çdo namazi tridhjetë e tri herë, falënderoje Atë (thuaj Elhamdulilah) tridhjetë e tri herë dhe lartësoje Atë (thuaj Subhanallah) tridhjetë e tri herë, dhe përmbylli ato me: 'La ilahe il-lallah vahdehu la sherike leh, lehul-mulku ve lehul-hamdu ve huve ala kuli shej'in kadir' (Nuk ka zot tjetër përveç Allahut të Vetëm, i Cili nuk ka ortak, Atij i takon sundimi dhe lavdërimi, dhe Ai është i Plotfuqishëm mbi çdo gjë). Atij do t'i falen mëkatet, edhe nëse janë sa shkuma e detit."