Transmeton Zejd bin Erkemi: E kam dëgjuar të Dërguarin e Allahut (s.a.v.s.) duke thënë (ndërsa në versionin e Sulejmanit thuhet se i Dërguari i Allahut (s.a.v.s.) thoshte në mbarim të namazit të tij): "O Allah, Zoti ynë dhe Zoti i çdo gjëje, dëshmoj se Ti je Zoti i vetëm e nuk ke shok. O Allah, Zoti ynë dhe Zoti i çdo gjëje, dëshmoj se Muhamedi është robi dhe i Dërguari Yt. O Allah, Zoti ynë dhe Zoti i çdo gjëje, dëshmoj se të gjithë robërit janë vëllezër. O Allah, Zoti ynë dhe Zoti i çdo gjëje, më bëj mua dhe familjen time të sinqertë ndaj Teje në çdo çast, në këtë botë dhe në botën tjetër, o Zot i Madhështisë dhe i Nderit, dëgjo dhe përgjigju. Allahu është më i Madhi, më i Madhi. O Allah, Drita e qiejve dhe e tokës." Sulejman bin Davudi shtoi: "Zoti i qiejve dhe i tokës. Allahu është më i Madhi, më i Madhi. Më mjafton Allahu dhe Ai është Mbrojtësi më i mirë. Allahu është më i Madhi, më i Madhi."