Transmeton Ibn Abbasi se Pejgamberi (s.a.v.s.) lutej: "Zoti im, më ndihmo e mos ndihmo kundër meje; më jep fitore e mos jep fitore mbi mua; planifiko për mua e mos planifiko kundër meje; më udhëzo dhe ma lehtëso udhëzimin tim; më jep fitore ndaj atyre që më bëjnë padrejtësi. O Allah, më bëj mirënjohës ndaj Teje, përmendës Tëndin, të frikësuar prej Teje, të bindur ndaj Teje, të përulur para Teje dhe të kthyer tek Ti me pendim. Zoti im, pranoje pendimin tim, laje gjynahun tim, iu përgjigj lutjes sime, përforcoje argumentin tim, udhëzoje zemrën time, drejtoje gjuhën time dhe largoje ligësinë nga zemra ime."