Transmeton Ebu Seid el-Hudriu:

Një ditë i Dërguari i Allahut (s.a.v.s.) hyri në xhami dhe aty pa një burrë nga ensarët që quhej Ebu Umame. Ai i tha: "O Ebu Umame, çfarë ka ndodhur që po të shoh të uluar në xhami jashtë kohës së namazit?" Ai u përgjigj: "Jam i zhytur në brenga dhe borxhe, o i Dërguari i Allahut." Ai i tha: "A të t'i mësoj disa fjalë të cilat, po i thoshe, Allahu i Madhëruar do t'i largojë brengat tua dhe do ta shlyejë borxhin tënd?" Ai tha: "Po, gjithsesi, o i Dërguari i Allahut!" Ai i tha: "Thuaj në mëngjes dhe në mbrëmje: 'O Allah, kërkoj mbrojtje te Ti nga brenga dhe pikëllimi, kërkoj mbrojtje te Ti nga pafuqia dhe përtacia, kërkoj mbrojtje te Ti nga frika dhe koprracia, si dhe kërkoj mbrojtje te Ti nga rëndimi i borxhit dhe shtypja e njerëzve.'" Ai tha: "Veprova kështu dhe Allahu i Madhëruar m'i largoi brengat dhe ma shlyeu borxhin."