16882 - Nga Sa'd b. Ebi Vakkas (r.a.) transmetohet se i Dërguari i Allahut (s.a.v.s.) ka thënë: "Mrekullohem me caktimin e Allahut të Madhëruar për besimtarin; nëse e godet një e mirë, ai e lavdëron Zotin e tij dhe e falënderon, e nëse e godet një fatkeqësi, ai e lavdëron Zotin e tij dhe bën durim. Besimtari shpërblehet për çdo gjë".
E transmeton Ahmedi me disa zinxhirë, dhe Taberaniu në 'el-Evsat', duke shtuar: "Për çdo gjë shpërblehet besimtari, madje edhe për kafshatën që e ngre në gojën e tij".
Dhe el-Bezzari, i cili thotë: "Ai shpërblehet në çdo çështje të tij, madje edhe për kafshatën që e ngre në gojën e gruas së tij".
Zinxhirët e Ahmedit i kanë transmetuesit si ata të 'Sahihut', po ashtu edhe disa nga zinxhirët e el-Bezzarit.