Transmeton Sehl bin Sad es-Sa'idiu: Një grua erdhi te i Dërguari i Allahut (s.a.v.s.) dhe i tha: "O i Dërguari i Allahut, unë po të dhuroj veten time." Ajo qëndroi në këmbë për një kohë të gjatë, pastaj u ngrit një burrë dhe tha: "O i Dërguari i Allahut, martomë me të nëse nuk ke nevojë për të." I Dërguari i Allahut (s.a.v.s.) e pyeti: "A ke ndonjë gjë për t’ia dhënë si mehër?" Ai u përgjigj: "Nuk kam asgjë tjetër përveç këtij izarit (rrobës) tim." I Dërguari i Allahut (s.a.v.s.) i tha: "Nëse ia jep izarin tënd, do të mbetesh pa asgjë, andaj kërko diçka tjetër." Ai tha: "Nuk po gjej asgjë." Atëherë ai i tha: "Kërko diçka, qoftë edhe një unazë prej hekuri." Ai kërkoi, por nuk gjeti asgjë. I Dërguari i Allahut (s.a.v.s.) e pyeti: "A di diçka nga Kurani?" Ai u përgjigj: "Po, di këtë sure dhe këtë sure," duke i emërtuar ato. I Dërguari i Allahut (s.a.v.s.) i tha: "Të kam martuar me të në këmbim të asaj që di nga Kurani."