Transmeton Kajs bin Sa'di: Shkova në El-Hirah dhe i pashë njerëzit duke i bërë sexhde një udhëheqësi (marzubani) të tyre, andaj thashë: "I Dërguari i Allahut (s.a.v.s.) meriton më shumë t'i bëhet sexhde." Kur erdha te Pejgamberi (s.a.v.s.), i thashë: "Isha në El-Hirah dhe i pashë ata duke i bërë sexhde një udhëheqësi të tyre, por Ti, o i Dërguari i Allahut, meriton më shumë që ne të të bëjmë sexhde Ty." Ai më tha: "Më trego, sikur të kalonje pranë varrit tim, a do t'i bëje sexhde atij?" I thashë: "Jo." Atëherë ai tha: "Mos e bëni këtë! Sikur të urdhëroja dikë t'i bënte sexhde dikujt tjetër, do t'i urdhëroja gratë t'u bënin sexhde burrave të tyre, për shkak të të drejtës që Allahu u ka dhënë atyre mbi to."