Transmeton Ibn Abbasi: Nuk kam parë asgjë që u ngjan më shumë mëkateve të vogla sesa ajo që ka transmetuar Ebu Hurejra nga Pejgamberi (s.a.v.s.), i cili ka thënë: "Vërtet Allahu ia ka caktuar birit të Ademit pjesën e tij të zinasë, të cilën do ta kryejë pashmangshmërisht: zinaja e syve është shikimi, zinaja e gjuhës është e folura, ndërsa shpirti dëshiron dhe ndien epsh, kurse organi gjenital e vërteton ose e përgënjeshtron këtë."