7 - Na ka treguar për këtë Ebu Bekre Bekar bin Kutejbe el-Bekrauij, i cili ka thënë: Na ka treguar Ebu Davudi, i cili ka thënë: Na ka treguar Ebu Akil ed-Devrekij, i cili ka thënë: Na ka treguar Hasani: Se kur delegacioni i Thekifit erdhi te i Dërguari i Allahut (s.a.v.s.), ai u ngriti atyre një tendë në xhami. Ata thanë: "O i Dërguari i Allahut, (ne jemi) popull i papastër (nexhis)." I Dërguari i Allahut
(s.a.v.s.) tha: "Në tokë nuk ka asgjë nga papastërtia e njerëzve; papastërtia e njerëzve është vetëm në veten e tyre" ⁽²⁶⁾.
Kuptimi i fjalës së tij (a.s.): "Muslimani nuk bëhet i papastër (nexhis)" nuk do të thotë se trupi i tij nuk bëhet i papastër edhe nëse e prek papastërtia, por ai ka pasur për qëllim se ai nuk bëhet i papastër në një kuptim tjetër.
Gjithashtu, fjala e tij "Toka nuk bëhet e papastër" nuk do të thotë se ajo nuk bëhet e papastër edhe nëse e prek papastërtia.
E si mund të jetë kështu, kur ai ka urdhëruar që në vendin ku urinoi beduini në xhami, të derdhet një kovë me ujë?!