8 - Na ka treguar për këtë Ebu Bekre, i cili ka thënë: Na ka treguar Omer bin Junus el-Jemami "nga Jemameja", i cili ka thënë: Na ka treguar Ikrime bin Ammar, i cili ka thënë: Na ka treguar Is’hak bin Abdullah bin Ebi Talha, i cili ka thënë: Më ka treguar ⁽²⁷⁾ Enes bin Maliku, i cili ka thënë: Teksa ishim ulur me të Dërguarin e Allahut (s.a.v.s.), erdhi një beduin dhe filloi të urinojë në xhami. Shokët e të Dërguarit të Allahut (s.a.v.s.) i thanë: "Mëh, mëh!" (ndal, ndal!). I Dërguari i Allahut (s.a.v.s.) tha: "Lëreni atë." E lanë derisa mbaroi urinimin, pastaj i Dërguari i Allahut (s.a.v.s.) e thirri dhe i tha: "Këto xhami nuk janë të përshtatshme për asgjë nga kjo urinë apo ndyrësi; ato janë vetëm për përmendjen e Allahut, faljen e namazit dhe leximin e Kuranit" ⁽²⁸⁾.
Ikrimeja tha: Ose ashtu siç ka thënë i Dërguari i Allahut (s.a.v.s.), pastaj ai urdhëroi një burrë, i cili solli një kovë me ujë dhe e hodhi mbi të.