65 - Na ka treguar Sulejman bin Shuajbi, i cili ka thënë: Na ka treguar Bishr bin Bekri, i cili ka thënë: Më ka treguar El-Evzaiu. Dhe na ka treguar Husejn bin Nasri, i cili ka thënë: Na ka treguar El-Ferjabi, i cili ka thënë: Na ka treguar El-Evzaiu, i cili ka thënë: Më ka treguar Ibn Shihabi, i cili ka thënë: Më ka treguar Seid bin el-Musejjibi: Se Ebu Hurejra (r.a.) thoshte: Ka thënë i Dërguari i Allahut (s.a.v.s.): 'Kur ndonjëri prej jush zgjohet natën, të mos e fusë dorën e tij në enë derisa të derdhë mbi të (ujë) dy ose tri herë, sepse asnjëri prej jush nuk e di se ku ⁽¹⁰⁵⁾ i ka kaluar nata dorës së tij' ⁽¹⁰⁶⁾.