71 - Na ka treguar Ismail bin Is'haku, i cili ka thënë: Na ka treguar Ebu Nuajmi, i cili ka thënë: Na ka treguar Abdus-Selam bin Harbi, nga Abdul-Meliku, nga Ata'i, nga Ebu Hurejra (r.a.) lidhur me enën në të cilën lëpin qeni ose macja, ka thënë: Lahet tri herë ⁽¹¹²⁾.
Pasi Ebu Hurejra (r.a.) ka menduar se tri herë e pastrojnë enën nga lëpirja e qenit në të, dhe meqë është transmetuar nga Pejgamberi (s.a.v.s.) ajo që kemi përmendur, me këtë vërtetohet shfuqizimi i të shtatë herëve, sepse ne kemi mendim të mirë për të dhe nuk mund të mendojmë se ai do të linte atë që ka dëgjuar nga Pejgamberi (s.a.v.s.) përveçse për diçka të ngjashme, përndryshe do t'i binte drejtësia e tij dhe nuk do të pranohej as fjala e as transmetimi i tij.
Dhe nëse do të ishte e detyrueshme të veprohej sipas asaj që kemi transmetuar për të shtatë herët dhe të mos konsiderohej e shfuqizuar, atëherë ajo që ka transmetuar Abdullah bin Mugaffeli në lidhje me këtë nga Pejgamberi (s.a.v.s.) do të ishte më parësore sesa ajo që ka transmetuar Ebu Hurejra (r.a.), sepse ai ka shtuar mbi të.