107 - Na ka treguar Ibn Ebi Davudi, i cili ka thënë: Na ka treguar Ebu Omer el-Havdiu, i cili ka thënë: Na ka treguar Halid bin Abdullahu, nga Ibrahim el-Hexhriu, nga Ebu el-Ahvasi, nga Abdullahu (r.a.), nga Pejgamberi (s.a.v.s.) i cili ka thënë: "I varfër (miskin) nuk është ai lypësi që sillet rreth njerëzve, të cilin e kthen mbrapsht një apo dy hurma, ose një apo dy kafshata."
Ata pyetën: "E kush është i varfëri (miskini)?" Ai tha: "Ai i cili ka turp të kërkojë, nuk gjen atë që i mjafton dhe nuk vërehet (gjendja e tij) që t'i jepet (sadaka)" ⁽¹⁵⁷⁾.