127 - Na ka treguar Ahmed bin Davudi, i cili ka thënë: Na ka treguar Ali bin Bahri, i cili ka thënë: Na ka treguar Velid bin Muslimi, i cili ka thënë: Na ka treguar Abdullah bin el-Ala, nga Ebu el-Ezheri, nga Muaviu: se ai u tregoi atyre abdesin e të Dërguarit të Allahut (s.a.v.s.). Kur arriti te fshirja (mes-hi) e kokës, i vendosi dy shuplakat e tij në pjesën e përparme të kokës, pastaj i kaloi ato derisa arriti në zverk, pastaj i ktheu ato derisa arriti në vendin ku e kishte filluar ⁽¹⁸¹⁾.\nEbu Xhaferi ⁽¹⁸²⁾ ka thënë: Disa dijetarë ⁽¹⁸³⁾ kanë mendimin se fshirja e tërë kokës është obligim (vaxhib) në abdesin për namaz, dhe nuk lejohet lënia e asnjë pjese të saj, duke u argumentuar për këtë me këto transmetime (ethere).\nTë tjerë ⁽¹⁸⁴⁾ i kanë kundërshtuar ata dhe kanë thënë: Ajo që gjendet në këto transmetime tuaja është vetëm se Pejgamberi (s.a.v.s.) e ka fshirë tërë kokën e tij në abdesin për namaz. Prandaj, ne e urdhërojmë atë që merr abdes ta bëjë këtë në abdesin e tij për namaz, por nuk e bëjmë obligim (farz) plotësimin e saj tërësisht.\nNë veprimin e Pejgamberit (s.a.v.s.) nuk ka diçka që tregon se kjo ishte prej tij sepse është farz. Ne e kemi parë atë (s.a.v.s.) duke marrë abdes nga tri herë (për çdo gjymtyrë), jo sepse kjo është farz dhe nuk lejohet më pak se aq, por sepse një pjesë e saj është farz e një pjesë është vlerë (fadile) ⁽¹⁸⁵⁾.\nJanë transmetuar nga i Dërguari i Allahut (s.a.v.s.) transmetime që tregojnë atë që ata kanë menduar lidhur me obligueshmërinë (farzin) e fshirjes së kokës, se ajo është mbi një pjesë të saj, ashtu siç...