Transmeton Enes bin Maliku: Ndër jahuditë, kur një grua kishte ciklin menstrual, ata nuk hanin me të, nuk pinin me të dhe nuk qëndronin me të në shtëpitë e tyre. I Dërguari i Allahut (s.a.v.s.) u pyet rreth kësaj, andaj Allahu i Madhëruar shpalli ajetin: “Të pyesin ty për menstruacionet. Thuaj: ‘Ato janë një gjendje e pakëndshme, andaj largohuni nga gratë gjatë menstruacioneve...’” deri në fund të ajetit. Atëherë, i Dërguari i Allahut (s.a.v.s.) tha: “Qëndroni me to në shtëpi dhe bëni çdo gjë përveç marrëdhënieve seksuale.” Jahuditë thanë: “Ky njeri nuk dëshiron të lërë asgjë nga çështjet tona pa na kundërshtuar.” Usejd bin Hudajri dhe Abad bin Bishri erdhën te i Dërguari i Allahut (s.a.v.s.) dhe i thanë: “O i Dërguari i Allahut, jahuditë po thonë kështu e kështu. A të mos kemi marrëdhënie me to gjatë menstruacioneve?” Fytyra e të Dërguarit të Allahut (s.a.v.s.) ndryshoi aq shumë, saqë menduam se u zemërua me ta, prandaj ata u larguan. Më pas, të Dërguarit të Allahut (s.a.v.s.) i erdhi si dhuratë pak qumësht dhe ai dërgoi dikë t’i thërriste që të pinin, kështu që e kuptuam se ai nuk ishte më i zemëruar me ta.