138 - Na ka treguar Ahmed b. Davudi, i cili ka thënë: na ka treguar Museddedi, i cili ka thënë: na ka treguar Ebu Avane, nga Musa b. Ebi Aisha, nga Amr b. Shuajbi, nga babai i tij, nga gjyshi i tij: se një burrë erdhi te Pejgamberi i Allahut (s.a.v.s.) e i tha: "Si bëhet pastrimi (abdesti)?"

Atëherë i Dërguari i Allahut (s.a.v.s.) kërkoi ujë dhe mori abdest. Ai i futi dy gishtat e tij tregues në veshët e tij, dhe fshiu me dy gishtat e tij të mëdhenj pjesën e jashtme të veshëve të tij, ndërsa me dy gishtat tregues fshiu pjesën e brendshme të veshëve të tij ⁽²⁰⁴⁾.