148 - Na ka treguar Ali bin Shejbe, i cili ka thënë: Na ka treguar Jahja bin Jahja, i cili ka thënë: Na ka treguar Hushajmi, nga Ebu Xhemre, i cili ka thënë: "E kam parë Ibn Abbasin duke marrë abdest, me ç'rast i fshiu (u dha mes'h) veshëve të tij, pjesën e jashtme dhe të brendshme të tyre ⁽²¹⁵⁾."

Ky është Ibn Abbasi (r.anhuma), i cili ka transmetuar nga Aliu (r.a.), nga Pejgamberi (s.a.v.s.), atë që e kemi transmetuar në fillim të këtij kapitulli, si dhe ka transmetuar prej tij Ata bin Jesari nga Pejgamberi (s.a.v.s.), ashtu siç e kemi transmetuar në kapitullin e dytë të kësaj pjese. Pastaj, ai (Ibn Abbasi) ka vepruar sipas kësaj (që pamë tani) dhe e ka lënë atë që i kishte treguar Aliu (r.a.) nga Pejgamberi (s.a.v.s.). Kjo është dëshmi se shfuqizimi (neskh) i asaj që është transmetuar nga Aliu (r.a.) ishte vërtetuar tek ai.