240 - Na ka treguar Ibrahim bin Ebi Davudi, ka thënë: Na ka treguar Umeje bin Bistami, ka thënë: Na ka treguar Jezid bin Zurej'i, ka thënë: Na ka treguar Ruh bin el-Kasimi, nga Ibn Ebi Nexhihu, nga Ata'i, nga Ijas bin Halife, nga Rafi' bin Hadixhi: Se Aliu e urdhëroi Ammarin që ta pyeste të Dërguarin e Allahut (s.a.v.s.) rreth medhiut, e ai tha: "Le t'i lajë organet e tij gjenitale dhe të marrë abdest" ⁽³⁴³⁾.
Ebu Xha'feri ka thënë: Një grup ⁽³⁴⁴⁾ ka marrë mendimin se larja e organeve gjenitale është obligim për burrin kur nxjerr medhi dhe kur urinon.
Ata argumentuan për këtë me këtë transmetim.
Të tjerë i kundërshtuan ata ⁽³⁴⁵⁾ dhe thanë: Kjo nuk ishte nga i Dërguari i Allahut (s.a.v.s.) si detyrim për larjen e organeve gjenitale, por që medhiu të tërhiqet e të mos dalë.
Thanë: Prej kësaj është ajo me të cilën janë urdhëruar muslimanët lidhur me kurbanin (hedjin), nëse ai ka qumësht, që t'ia spërkasin me ujë gjirin e tij, në mënyrë që ai të tërhiqet në të e të mos dalë.
Kanë ardhur transmetime të shumta (mutavatir) që dëshmojnë atë që ata thanë, e prej tyre janë: