242 - Na ka treguar Salih bin Abdurrahman, i cili ka thënë: Na ka treguar Seid bin Mensur, i cili ka thënë: Na ka njoftuar Hushejm, i cili ka thënë: Na ka njoftuar El-A'mesh, nga Mundhir Ebu Jala eth-Thevri, nga Muhamed bin el-Hanefije, i cili ka thënë: E kam dëgjuar atë duke treguar nga babai i tij, i cili ka thënë: "Më rridhte shpesh medhiu (lëngu prostatik), prandaj e urdhërova Mikdadin që ta pyeste Pejgamberin (s.a.v.s.) për këtë, sepse kisha turp ta pyesja vetë, pasi e kisha vajzën e tij (për bashkëshorte). Ai e pyeti dhe ai (s.a.v.s.) tha: 'Çdo mashkull nxjerr medhi. Nëse del meni (sperma), atëherë duhet gusli, e nëse del medhi, atëherë duhet abdesi.'" ⁽³⁴⁸⁾.