355 - Na ka treguar Ibn Huzajme, i cili ka thënë: Na ka treguar Haxhaxhi, i cili ka thënë: Na ka treguar Hammadi, nga Ejjubi, nga Ebu Kilabe, nga një burrë prej shokëve të Pejgamberit (s.a.v.s.), i cili ka thënë: "Kemi marrë abdest nga ajo që ka ndryshuar zjarri, kemi shpëlarë gojën pas pirjes së qumështit, por nuk e kemi shpëlarë gojën pas ngrënies së hurmave ⁽⁴⁹⁸⁾.

Një grup njerëzish ⁽⁴⁹⁹⁾ kanë shkuar drejt mendimit për marrjen e abdestit nga ajo që ka ndryshuar zjarri dhe kanë argumentuar për këtë me këto transmetime. Të tjerë i kanë kundërshtuar ata ⁽⁵⁰⁰⁾ dhe kanë thënë: Nuk ka abdest për asgjë nga këto. Ata kanë ndjekur atë që është transmetuar nga i Dërguari i Allahut (s.a.v.s.) lidhur me këtë."