382 - Na ka treguar Muhamed bin Huzejme, i cili ka thënë: Na ka treguar Haxhaxhi, i cili ka thënë: Na ka treguar Abdul Aziz bin Muslimi, nga Suhejl bin Ebi Salihu, nga babai i tij, nga Ebu Hurejre, se i Dërguari i Allahut (s.a.v.s.) ka ngrënë një copë kumsht (akt) dhe ka marrë abdest, pastaj ka ngrënë pas saj një shpatull (mishi) dhe është falur pa marrë abdest ⁽⁵²⁸⁾.
Kështu, u vërtetua me atë që përmendëm se veprimi i fundit nga i Dërguari i Allahut (s.a.v.s.) ishte: lënia e abdestit nga ajo që ka ndryshuar zjarri, dhe se ajo që bie ndesh me këtë, është shfuqizuar me veprimin e dytë.
Kjo, nëse me atë që ka urdhëruar për abdest, ka pasur për qëllim abdestin e namazit. E nëse nuk ka pasur për qëllim abdestin e namazit, atëherë nuk vërtetohet nga hadithet ⁽⁵²⁹⁾ e para se ngrënia e asaj që ka ndryshuar zjarri është prishje e abdestit (hadeth).
Pra, u vërtetua me atë që përmendëm përmes saktësimit të këtyre transmetimeve se ngrënia e asaj që ka prekur zjarri nuk është prishje e abdestit.
Kjo është transmetuar gjithashtu nga një grup i shokëve të të Dërguarit të Allahut (s.a.v.s.).