637 - Na ka treguar Abu Bekre, i cili ka thënë: Na ka treguar Abu Davudi, i cili ka thënë: Na ka treguar Shu'be, nga el-Hakemi, i cili ka thënë: E kam dëgjuar Dherr bin Abdullahun duke treguar nga djali i Abdurrahman bin Abzas, nga babai i tij: Se një burrë erdhi te Omeri (r.a.) dhe i tha: "Isha në udhëtim dhe u bëra xhunub, e nuk gjeta ujë." Omeri (r.a.) i tha: "Mos u fal." Atëherë Ammari tha: "O prijës i besimtarëve, a nuk të kujtohet kur unë dhe ti ishim në një ekspeditë ushtarake dhe u bëmë xhunubë, e nuk gjetëm ujë? Ti nuk u fale, ndërsa unë u rrotullova në pluhur. Pastaj shkuam te Pejgamberi (s.a.v.s.) dhe e njoftuam, e ai tha: 'Të mjaftonte kjo', dhe ai (s.a.v.s.) goditi me duart e tij (në tokë), u fryu atyre dhe me to fshiu fytyrën dhe shuplakat e tij ⁽⁸⁵²⁾.
Abu Xhaferi ka thënë: Veprimi i Ammarit kur u rrotullua (në pluhur) kishte për qëllim tejemumin, edhe pse kjo ndodhi pas shpalljes së ajetit. Sipas nesh – e Allahu e di më së miri – ai veproi kështu sepse mendonte se tejemumi për xhunubllëk ishte ndryshe nga tejemumi për hadeth (paabdesllëk), derisa i Dërguari i Allahut (s.a.v.s.) e mësoi atë se ato janë të njëjta.