643 - Na ka treguar Ebu Bekre, i cili ka thënë: Na ka treguar Mu'ammeli, i cili ka thënë: Na ka treguar Sufjani ... dhe e përmendi me isnadin e tij të njëjtën gjë ⁽⁸⁵⁸⁾.

Ebu Xhaferi ka thënë: Ky hadith i Ammarit na ka ardhur me mospërputhje (idhtirab), përveçse të gjithë ata kanë mohuar që ai (tejemumi) të ketë arritur deri te supet dhe sqetullat. Kështu, me këtë vërtetohet mohimi i asaj që është transmetuar prej tij në hadithin e Ubejdullahut nga babai i tij, ose nga Ibn Abbasi, dhe vërtetohet njëri nga dy mendimet e tjera.

Ne e kemi shqyrtuar këtë dhe pamë se Ebu Xhuhejmi ka transmetuar nga i Dërguari i Allahut (s.a.v.s.) se ai ka bërë tejemum në fytyrën dhe shuplakat e tij.

Kjo është argument për ata që mendojnë se tejemumi bëhet deri te shuplakat.

Ndërsa Nafiu ka transmetuar nga Ibn Abbasi se Pejgamberi (s.a.v.s.) ka bërë tejemum deri te bërrylat.

I kam përmendur këto dy hadithe së bashku në kapitullin 'Leximi i Kuranit nga gruaja me menstruacione'.