756
- Na ka treguar Ali bin Shejbe, ka thënë: Na ka treguar Jahja bin Jahja el-Nejsaburi, ka thënë: Na ka treguar Wekiu, nga el-A'meshi, nga Amër bin Murre, nga Abdurrahman bin Ebi Lejla, ka thënë: Më kanë treguar shokët e Muhamedit (s.a.v.s.): Se Abdullah bin Zejd el-Ensariu e pa ezanin në ëndërr, erdhi te Pejgamberi (s.a.v.s.) dhe e njoftoi atë, e ai tha: "Mësoja Bilallit", kështu që u ngrit Bilalli dhe thirri ezanin nga dy herë (dy nga dy) ⁽¹⁰⁾.
Ebu Xhaferi ka thënë: Ky është Abdullah bin Zejdi, ai nuk e përmendi në hadithin e tij terxhiun (përsëritjen), kështu që ai e kundërshtoi Ebu Mahdhurën sa i përket terxhiut në ezan.
Ekziston mundësia që terxhiu të cilin e ka treguar Ebu Mahdhura të ketë qenë vetëm sepse Ebu Mahdhura nuk e kishte ngritur zërin ashtu siç dëshironte Pejgamberi (s.a.v.s.) prej tij, andaj Pejgamberi (s.a.v.s.) i tha: "Kthehu dhe zgjate zërin tënd", kështu është teksti në këtë hadith.
Kur kjo u bë e mundshme, u bë e nevojshme shqyrtimi për të nxjerrë nga dy mendimet një mendim të saktë. Ne pamë se gjithçka tjetër përveç asaj që u kundërshtua sa i përket dëshmisë (shehadetit) se nuk ka zot tjetër përveç Allahut dhe se Muhamedi është i dërguari i Allahut, nuk ka terxhi në të.
Analiza mbi këtë është që ajo për të cilën ata u kundërshtuan të jetë e lidhur me atë për të cilën ata ranë dakord, dhe ixhmai (pajtimi) i tyre që nuk ka terxhi në pjesën tjetër të ezanit përveç shehadetit, gjykon mbi mospajtimin e tyre rreth terxhiut në shehadet.
Dhe kjo që përshkruam dhe sqaruam rreth mohimit të terxhiut, është mendimi i Ebu Hanifes (r.a.), Ebu Jusufit dhe Muhamedit, Allahu i mëshirsoftë.