770 - Na ka treguar Fehd-i, i cili ka thënë: Na ka treguar Ali bin Ma'bed-i, i cili ka thënë: Na ka treguar Ubejdullah bin Amri, nga Zejd bin Ebi Enise, nga Amër bin Murre, nga Abdurrahman bin Ebi Lejla, i cili ka thënë: Na kanë treguar shokët tanë... dhe përmendi të ngjashmen me të. Abdullahu tha: "Sikur të mos dyshoja në veten time, do të mendoja se e pashë atë duke qenë zgjuar e jo në gjumë." Ai tha: Dhe Omer bin el-Hattabi ka thënë: "Pasha Allahun, edhe mua më erdhi (në ëndërr) ajo që i erdhi Abdullahut, por kur pashë se ai më parapriu, heshta" ⁽²⁷⁾.
Në këto transmetime thuhet: Se Bilalli thirri ezanin sipas asaj që e mësoi Abdullahu bin Zejdi me urdhrin e Pejgamberit (s.a.v.s.), dhe e thirri ikametin nga dy herë (methna methna). Kjo bie ndesh me hadithin e parë.
Më pas, është transmetuar nga Bilalli se ai, pas vdekjes së të Dërguarit të Allahut (s.a.v.s.), e thërriste ezanin nga dy herë dhe ikametin nga dy herë. Kjo tregon gjithashtu për mohimin e asaj që ka transmetuar Enesi.