802
- Na ka treguar Junusi, i cili ka thënë: Na ka treguar Ali b. Ma'bedi, i cili ka thënë: Na ka treguar Ubejdullah b. Amri, nga Abdyl
kerim el-Xhezeriu, nga Nafiu, nga Ibn Omari, nga Hafsa bint Omari, se i Dërguari i Allahut (s.a.v.s.) ishte ai që
kur muezini thërriste ezanin e agimit, ngrihej dhe i falte dy rekate të agimit, pastaj dilte për në xhami dhe e ndalonte
ushqimin, ndërsa ezani nuk thirrej derisa të agonte ⁽⁶³⁾.
Ky është Ibn Omari që njofton nga Hafsa se ata nuk thirrnin ezan për namaz përveçse pas lindjes së agimit.
Gjithashtu, urdhri i Pejgamberit (s.a.v.s.) drejtuar Bilalit që të kthehej e të thërriste: "Vini re, robi kishte fjetur", tregon se zakoni i tyre ishte që nuk njihnin ezan para agimit.
Sikur
ta njihnin atë si ezan, nuk do të kishin nevojë për këtë thirrje, dhe ai me atë thirrje kishte për qëllim sipas nesh - e Allahu e di më së
miri - t'u bënte me dije se ata ishin ende në kohë nate, në mënyrë që të falej ai që dëshironte
të falej dhe të mos përmbahej nga ato gjëra prej të cilave përmbahet agjëruesi.
Dhe mund të jetë që Bilali thërriste ezanin në një kohë kur mendonte se agimi kishte lindur, por kjo nuk i vërtetohej atij për shkak të shikimit të tij të dobët.
Dhe prova për këtë është ajo që