807 - Na ka treguar Fehdi, i cili ka thënë: Na ka treguar Muhamed bin Seid bin el-Asbehani, i cili ka thënë: Na ka njoftuar Sheriku, nga Ali bin Aliu, nga Ibrahimi, i cili ka thënë: E përcollëm Alkamen për në Mekë. Ai doli natën dhe dëgjoi një muezin duke thirrur ezanin natën, e tha: "Sa i përket këtij, ai ka kundërshtuar sunetin e shokëve të të Dërguarit të Allahut (s.a.v.s.). Sikur të ishte në gjumë, do të ishte më mirë për të. Kur të agojë agimi, le të thirret ezani" ⁽⁷⁰⁾.
Kështu, Alkameja njoftoi se thirrja e ezanit para agimit të fjerit është në kundërshtim me sunetin e shokëve të të Dërguarit të Allahut (s.a.v.s.).