834
- Na ka treguar Ibn Ebi Davudi, i cili ka thënë: Na ka treguar Hamid bin Jahja, i cili ka thënë: Na ka treguar Abdullah bin el-Harithi, i cili ka thënë: Na ka treguar Thevr bin Jezidi, nga Sulejman bin Musa, nga Ata bin Ebi Rebahu, nga Xhabir bin Abdullahu, i cili ka thënë: Një burrë e pyeti të Dërguarin e Allahut (s.a.v.s.) për kohën e namazit, e ai i tha: "Falu me mua." I Dërguari i Allahut (s.a.v.s.) e fali sabahun kur agoi agimi, pastaj e fali drekën kur dielli kaloi zenitin, pastaj e fali ikindinë kur hija e njeriut ishte sa gjatësia e tij, pastaj e fali akshamin kur perëndoi dielli, pastaj e fali jacinë para zhdukjes së kuqërrimit të muzgut, pastaj e fali sabahun kur u ndriçua mirë, pastaj e fali drekën kur hija e njeriut ishte sa gjatësia e tij, pastaj e fali ikindinë kur hija e njeriut ishte sa dyfishi i gjatësisë së tij, pastaj e fali akshamin para zhdukjes së kuqërrimit të muzgut, pastaj e fali jacinë, e disa prej tyre thanë: në një të tretën e natës, ndërsa disa të tjerë thanë: në gjysmën e natës ⁽¹⁰⁶⁾.