836
- Na ka treguar Fehdi, i cili ka thënë: Na ka treguar Ebu Nuajmi, i cili ka thënë: Na ka treguar Bedr bin Uthmani, i cili ka thënë: Më ka treguar Ebu
Bekr bin Ebi Musa, nga babai i tij, nga Pejgamberi (s.a.v.s.) se ka thënë: I erdhi një pyetës dhe e pyeti për kohët e
namazit, por ai nuk i ktheu asnjë përgjigje. Pastaj e urdhëroi Bilalin dhe ai e thirri ikametin për namazin e sabahut kur zbardhi agimi, ndërkohë që njerëzit
pothuajse nuk e njihnin njëri-tjetrin. Pastaj e urdhëroi atë dhe ai e thirri ikametin për namazin e drekës kur dielli kaloi meridianin, ndërsa dikush
thoshte: "A u bë mesditë apo jo?", e ai (Pejgamberi) ishte më i ditur se ata. Pastaj e urdhëroi atë dhe ai e thirri ikametin për namazin e ikindisë kur dielli
ishte ende lart. Pastaj e urdhëroi atë dhe ai e thirri ikametin për namazin e akshamit kur perëndoi dielli. Pastaj e urdhëroi atë dhe ai e thirri ikametin për namazin e jacisë kur
u zhduk muzgu. Të nesërmen, ai e shtyu namazin e sabahut derisa e përfundoi atë kur dikush thoshte: "U lind dielli
ose gati sa nuk u lind". Pastaj e shtyu namazin e drekës derisa
u afrua koha e ikindisë. Pastaj e shtyu namazin e ikindisë derisa e përfundoi
atë kur dikush thoshte: "U skuq dielli". Pastaj e shtyu namazin e akshamit derisa ishte afër zhdukjes së muzgut,
pastaj e shtyu namazin e jacisë derisa u bë një e treta e parë e natës. Pastaj, kur u gdhi, e thirri pyetësin dhe i tha: "Koha
mes këtyre të dyjave" ⁽¹⁰⁸⁾.