922
- Na ka treguar Rebi' bin Sulejman el-Muedhin, i cili ka thënë: Na ka treguar Halid bin Abdurrahman, i cili ka thënë: Na ka treguar
Ibn Ebi Dhib, nga ez-Zuburkani, i cili ka thënë: Një grup nga Kurejshët ishin mbledhur dhe pranë tyre kaloi Zejd bin
Thabiti. Ata dërguan te ai dy djem të tyre për ta pyetur rreth namazit të mesëm, e ai tha: Ai është namazi i ikindisë ⁽²⁰⁶⁾. Pastaj dy burra prej tyre u ngritën dhe e pyetën atë, e ai tha: Ai është namazi i drekës, [pastaj ata shkuan te Usame bin Zejdi dhe e pyetën atë, e ai tha: Ai është namazi i drekës] ⁽²⁰⁷⁾
I Dërguari i Allahut (s.a.v.s.) e falte namazin e drekës në vapën e madhe, dhe pas tij nuk kishte më shumë se një apo dy rreshta,
ndërsa njerëzit ishin në pushimin e tyre të drektës apo në tregtinë e tyre. Atëherë Allahu i Madhëruar shpalli: {Kini kujdes
namazet, edhe namazin e mesëm} [el-Bekare: 238]. Atëherë Pejgamberi (s.a.v.s.) tha:
"Ose do të pushojnë ata burra, ose do t'ua djeg shtëpitë e tyre" ⁽²⁰⁸⁾.