950
- Na ka treguar Ahmed bin Ebi Imran, i cili ka thënë: Na ka treguar Halid bin Hidash el-Muhel-lebi, i cili ka thënë: Na ka treguar Abdul Aziz bin Muhamed ed-Derauerdi, nga Theur bin Jezidi, nga Ikrimja, nga Ibn Abbasi, i cili ka thënë: Namazi i mesëm është ai i sabahut, andaj fale ⁽²⁴¹⁾ mes errësirës së natës dhe bardhësisë së ditës ⁽²⁴²⁾.
Ebu Xhaferi ka thënë: Ky është Ibn Abbasi i cili ka njoftuar në këtë hadith se ajo që e bëri namazin e sabahut të jetë namazi i mesëm është kjo arsye.
Gjithashtu mund të jetë që fjala e Allahut të Madhëruar: ﴿وَقُومُوا لِلَّهِ قَانِتِينَ﴾ [el-Bekare: 238] ka pasur për qëllim namazin e sabahut, kështu që ky 'kunut' të jetë qëndrimi i gjatë në këmbë, ashtu siç ka thënë Pejgamberi (s.a.v.s.) kur u pyet se cili namaz është më i miri? Ai tha: "Kijami i gjatë".
Ne e kemi përmendur këtë me zinxhirin e tij të transmetimit në vendin e duhur në këtë libër tonin. Gjithashtu është transmetuar nga Aishja (r.a.) se ajo ka thënë: Namazi i sabahut u la me dy rekate për shkak të leximit të gjatë në to.
Ne e kemi përmendur këtë gjithashtu në një vend tjetër. Mund të jetë që fjala e Tij të Madhëruar: ﴿وَقُومُوا لِلَّهِ قَانِتِينَ﴾ [el-Bekare: 238] ka pasur për qëllim të gjitha namazet, namazin e mesëm dhe të tjerët. Gjithashtu është transmetuar nga Ibn Abbasi (r.a.) lidhur me namazin e mesëm se ai është namazi i ikindisë.