958
- Na ka treguar Ali bin Ma'bed, i cili ka thënë: Na ka treguar Shuxha' bin el-Velid, i cili ka thënë: Na ka treguar Zaide bin Kudame, i cili ka thënë: E kam dëgjuar Asimin duke treguar nga Zirri, nga Aliu, i cili ka thënë: Luftuam kundër aleatëve (Ahzabëve) dhe ata na penguan nga namazi i ikindisë derisa dielli gati sa nuk perëndoi. Atëherë i Dërguari i Allahut (s.a.v.s.) tha: "O Allah, mbushi me zjarr zemrat e atyre që
na penguan nga namazi i mesëm, mbushi shtëpitë e tyre me zjarr dhe mbushi varret e tyre me zjarr." Aliu (r.a.) tha: Ne mendonim se ai ishte namazi i sabahut ⁽²⁵¹⁾.
Ebu Xhaferi ka thënë: Ky është Aliu (r.a.) i cili ka njoftuar se ata e konsideronin atë si namazin e sabahut para kësaj thënieje të Pejgamberit (s.a.v.s.), derisa e dëgjuan Pejgamberin (s.a.v.s.) atë ditë duke thënë këtë, kështu që e morën vesh se ai ishte namazi i ikindisë.