1146
- Ahmed bin Shu'ajb na ka treguar, ka thënë: Na ka treguar Jakub bin Ibrahim ed-Devraki, ka thënë: Na ka treguar Hushajm, ka thënë: Na ka treguar Mensur bin Zadhen, nga el-Velid bin Muslim, nga Ebu es-Siddik en-Naxhi, nga Ebu Seid el-Hudriu (r.a.), i cili ka thënë: Ne e vlerësonim qëndrimin në këmbë të të Dërguarit të Allahut (s.a.v.s.) në namazin e drekës dhe të ikindisë. Vlerësuam qëndrimin e tij në drekë sa tridhjetë ajete, sa gjatësia e sures es-Sexhde në dy rekatet
e para, ndërsa në dy rekatet e fundit sa gjysma e kësaj. Gjithashtu vlerësuam qëndrimin e tij në dy rekatet e para të ikindisë sa dy rekatet e fundit të drekës, ndërsa në dy rekatet e fundit të ikindisë sa gjysma e kësaj ⁽⁴⁶⁸⁾.