1251
- Na ka treguar Rabi' el-Muadhin, i cili ka thënë: Na ka treguar Ibn Vehbi, i cili ka thënë: Më ka njoftuar Abdurrahman bin Ebi ez-Zinadi, nga Musa bin Ukbe, nga Abdullah bin el-Fadli, nga Abdurrahman el-A'rexh, nga Ubejdullah bin Ebi Rafi', nga Ali bin Ebi Talibi (r.a.), nga i Dërguari i Allahut (s.a.v.s.): Se ai, kur ngrihej për namazin farz, merrte tekbirin dhe i ngrinte duart e tij deri në nivelin e shpatullave; vepronte njësoj kur përfundonte leximin e tij dhe dëshironte të binte në ruku'; vepronte kështu edhe kur mbaronte dhe ngrihej nga rukuja; nuk i ngrinte duart në asnjë pjesë të namazit të tij ndërsa ishte ulur; dhe kur ngrihej pas dy sexhdeve, i ngrinte duart po ashtu dhe merrte tekbirin ⁽⁵⁸⁵⁾.