1310
- Na ka treguar Rebi el-Muedhin, i cili ka thënë: Na ka treguar Ibn Vehbi, i cili ka thënë: Më ka njoftuar Ibn Ebi ez-Zinadi, nga Musa bin Ukbe, nga Abdullah bin el-Fadl, nga Abdurrahman el-A'rexh, nga Ubejdullah bin Ebi Rafi', nga Aliu bin Ebi Talibi (r.a.) ka thënë: I Dërguari i Allahut (s.a.v.s.) thoshte kur ishte në ruku:
"O Allah, për Ty u përula, me Ty besova, Ty të jam dorëzuar dhe Ti je Zoti im. Për Ty është përulur dëgjimi im, shikimi im, truri im, kockat e mia dhe nervat e mia, Allahu, Zoti i botëve." Dhe thoshte në sexhden e tij: "O Allah, për Ty rashë në sexhde, Ty të jam dorëzuar dhe Ti je Zoti im. Fytyra ime i ka rënë në sexhde Atij që e krijoi dhe ia hapi dëgjimin e shikimin. I Bekuar qoftë Allahu, Krijuesi më i mirë." ⁽⁶⁵³⁾.