1778
- Na ka treguar Ibn Merzuku, i cili ka thënë: Na ka treguar Vehbi, nga Shube, nga Abdullah bin Ebi Bekër, nga Abbad bin Temim, nga Abdullah bin Zejdi: Se i Dërguari i Allahut (s.a.v.s.) u lut për shi dhe e ktheu mbrapsht rrobën e tij të sipërme (ridanë) ⁽¹¹⁹⁹⁾.
Në këto transmetime përmendet kthimi i rrobës së tij dhe mënyra se si u bë ky kthim; ai thjesht e vendosi atë që ishte në anën e tij të djathtë në të majtën dhe atë që ishte në të majtën në të djathtën, sepse ishte e rëndë për të që ta kthente pjesën e sipërme poshtë dhe pjesën e poshtme lart. Prandaj, ne themi: Aty ku është e mundur të kthehet pjesa e sipërme poshtë dhe e poshtmja lart, ashtu duhet të bëhet; ndërsa aty ku kjo nuk është e mundur, ajo ndryshohet duke e bërë anën e djathtë të majtë dhe anën e majtë të djathtë.
Këto transmetime shtojnë detaje mbi ato të parat, prandaj kjo duhet të praktikohet dhe nuk duhet të lihet pas dore.