1865 - Na ka treguar Junusi, i cili ka thënë: Na ka njoftuar Ibn Vehbi, se Maliku i ka treguar atij, nga Abdullah bin Jezidi, skllavi i liruar i Esved bin Sufjanit, dhe Ebu Nadri, skllavi i liruar i Omer bin Ubejdullahut, nga Ebu Seleme bin Abdurrahmani, nga Aisha, nga i Dërguari i Allahut (s.a.v.s.) … ngjashëm me të ⁽¹³⁰⁹⁾.
Në këtë hadith ka diçka ndryshe nga hadithi i Abdullah bin Shekikut; sepse në këtë (hadith thuhet) se ai bënte ruku duke qenë në këmbë pasi e kishte filluar namazin ulur.
Dhe kjo është më parësore sesa hadithi i parë që ka transmetuar Ibn Shekiku, sepse qëndrimi i tij ulur ⁽¹³¹⁰⁾ derisa bënte ruku ulur nuk tregon se ai nuk mund të ngrihej e të bënte ruku në këmbë, ndërsa ngritja e tij nga ulja derisa bënte ruku në këmbë tregon se ai mund të bënte ruku në këmbë pasi e kishte filluar (namazin) ulur: prandaj e kemi konsideruar këtë hadith më parësor se ai para tij.
Ky është mendimi i Ebu Hanifes, Ebu Jusufit dhe Muhamedit, Allahu i Madhëruar i mëshiroftë.