1926 - Na ka treguar Ibn Merzuku dhe Ali bin Abdurrahmani, të cilët kanë thënë: Na ka treguar Affani, i cili ka thënë: Na ka treguar Vuhejbi, i cili ka thënë: Na ka treguar Musa bin Ukbe, i cili ka thënë: E kam dëgjuar Ebu Nadërin duke treguar nga Busër bin Saidi, nga Zejd bin Thabiti: Se Pejgamberi (s.a.v.s.) kishte ndarë një dhomëz me rrogoz në xhami, dhe i Dërguari i Allahut (s.a.v.s.) u fal në të për disa net, derisa u mblodhën njerëzit rreth tij. Pastaj ata nuk e dëgjuan më zërin e tij dhe menduan se ai kishte fjetur, kështu që disa prej tyre filluan të kolliteshin që ai të dilte tek ata. Atëherë ai tha: "Veprimi juaj që pashë sonte vazhdoi ⁽¹³⁸⁹⁾,
derisa u frikësova se mos po ju bëhet obligim falja e natës, e po t'ju bëhej obligim, ju nuk do të mund ta kryenit atë. Prandaj, o njerëz, faluni në shtëpitë tuaja, sepse namazi më i mirë i njeriut është në shtëpinë e tij, përveç namazeve të obligueshme" ⁽¹³⁹⁰⁾.